Paplajahan 14: Anak sane Matilesang Raga jagi Kaagungang
(Lukas 18:9-14)
Ring rahina anu Hyang Yesus ngajahin para sisiane indik punapike carane nerima Hyang Yesus dados Raja ring idup ipune.
14
9 Hyang Yesus nuturang pengumpamian sekadi puniki tatujone mituturin anake sane nganistayang anak lianan lan ngaden deweknyane patut.
10 “Ada anak ajaka dadua ka Genah Agung mabakti kapining Sang Hyang Pengardi bakal mabakti;
ane abesik anak Parisia,
ane buin besik anak tukang nuduk pipis pajegb.
11 Anak Parisine ento majujuk laut ngaturang bakti unduk dewekne kene,
‘Ratu Sang Hyang Pengardi,
titiang ngaturang penyuksma ring Iratu duaning titiang nenten sekadi anake lianan sane loba,
daya,
mamitra taler nenten sekadi anak tukang nuduk jinah pajege punika.
12 Nanging titiang maturan apahdasa (1/10) saking saluirin asil titiange lan ping kalih awuku titiang mapuasa.’
13 “Nanging tukang nuduk pipis pajege majujuk ngejoh-ngejoh,
turmaning tusing bani nyengenget ka langite saha nigtig dewekne lan ngaturang bakti kene,
‘Duh Sang Hyang Pengardi,
olasin ja titiang puniki jadma madosa.’
14 “Tiang ngorahin ragane:
Ritatkala anake makadua ento mulih ka umahnyane,
tukang nuduk pipis pajege ento ane katerima olih Sang Hyang Pengardi,
tusing ja anak Parisine ento.
Krana nyen ja ane ngajumang raga bakal kanistayang;
lan nyen ja ane matilesang raga bakal kaagungang.”